Este libro é unha mistura de lendas e versos, consta de dúas partes diferenciadas, na primeira LENDAS E VERSOS, conto historias que vivin na miña nenez, ou mesmamente narradas polo meu pai.
A segunda é un poemario, BERCE DE VERSOS, intimista e persoal… Feito a partires do sentir máis fondo, tento expresar o que é para min a poesía, un longo camiño sementado de luces e sombras, de ledicias e tristuras, retallos dun anaco de corazón…
Cada folla, cada verso, garda un anaco de min mesma, dunhos intres enraizados na memoria que se foron convertindo en poesía co paso do tempo, ben en experiencias vividas, ou mesmamente olladas noutra pel…
Todos e cada un destes versos teñen unha historia, agardo sexa unha lectura agradable e amena, como eu me sentín ó escribilos.

© Emilia Martínez, 2019.
© Lendas e versos.
© ALIAR 2015 Ediciones S.L.